Tuesday, 6 May 2014

ৱাল্ট হুইটমেন
Come, said my soul
Such verses for my body, let us write (For we are one)
-Walt Whitman-

তোমাৰ মহানুভৱতাক
স্পৰ্শ কৰো
অসাৰ হাতেৰে
মই ইয়াতেই জন্মিছো
অশ্ৰুৰ অনাশ্ৰিত আনন্দত
তুমি দিয়া গানটো গাইছো
বাস্পৰ ভাষাৰে
ইয়াত
কিমান যে দুঃসহ
জীৱনৰ যাত্ৰা
তোমাৰ স্পৰ্শই
জগাই তোলা নাই
নদীৰ আকাশ
আকাশৰ নদী
তুমি নিৰ্জনতাৰে
বিস্ময়াৱহ দুখন ডেউকাৰে
জগাই তুলিছিলা
হৃদয়ৰ আজন্মা সময়
তেজে তলমল অৰণ্যত
মোৰ আত্মা আজি শ্ৰান্ত
বৰ অসহায় অনুভৱ কৰিছো কবি !!

No comments:

Post a Comment